തിരുവനന്തപുരം ജില്ലാ കോടതിയില് ബോംബ് ഭീഷണി
തിരുവനന്തപുരം: തിരുവനന്തപുരം ജില്ലാ കോടതിയില് വീണ്ടും ബോംബ് ഭീഷണി. കോടതിയുടെ ഇമെയില് ഐഡിയിലേക്കാണ് ഭീഷണി സന്ദേശമെത്തിയത്. ഇത് രണ്ടാംതവണയാണ് കോടതിക്ക് ബോംബ് ഭീഷണി ലഭിക്കുന്നത്. ഡോഗ് സ്ക്വാഡും പോലീസും സ്ഥലത്ത് പരിശോധന നടത്തുകയാണ്.
രണ്ട് മാസത്തിനിടെ അഞ്ച് തവണയാണ് തിരുവനന്തപുരം ജില്ലയില് മാത്രം ബോംബ് ഭീഷണിയുണ്ടായത്. വഞ്ചിയൂരുളള തിരുവനന്തപുരം ജില്ലാ കോടതിക്ക് ഇത് രണ്ടാം തവണയാണ് ബോംബ് ഭീഷണി ലഭിച്ചിരിക്കുന്നത്. ഉടന് തന്നെ വഞ്ചിയൂര് പോലീസിനെ കോടതി അധികൃതര് വിവരമറിയിക്കുകയും വഞ്ചിയൂര് പോലീസും ബോംബ് സ്ക്വാഡും സ്ഥലത്തെത്തി കോടതിക്കുളളില് പരിശോധന നടത്തുകയും ചെയ്തു.
കഴിഞ്ഞ ദിവസം സംസ്ഥാനത്തെ വിവിധ കളക്ടറേറ്റുകളില് ബോംബ് ഭീഷണിയുണ്ടായിരുന്നു. കോട്ടയം, പാലക്കാട്, കൊല്ലം കളക്ടറേറ്റുകളിലാണ് ബോംബ് ഭീഷണിയുണ്ടായത്. കളക്ടര്മാരുടെ ഇമെയില് ഐഡികളിലേക്കാണ് ഭീഷണി സന്ദേശമെത്തിയത്. ബോംബ് സ്ക്വാഡും പൊലീസും പരിശോധന നടത്തിയെങ്കിലും സംശയകരമായ ഒന്നും കണ്ടെത്താനായില്ല. നേരത്തെ കേരളാ ഹൈക്കോടതിയിലും തൃശൂരിലെയും പാലക്കാട്ടെയും ആര്ഡിഒ ഓഫീസുകള്ക്കും ബോംബ് ഭീഷണിയുണ്ടായിരുന്നു. എന്നാല് പരിശോധനയില് ഒന്നും തന്നെ കണ്ടെത്താനായില്ല.
LATEST NEWS
- ടുജി സ്പെക്ട്രം അഴിമതി പുറത്തുകൊണ്ടുവന്നതിന്റെ കലിപ്പ് ; 18 വര്ഷമായി കോണ്ഗ്രസ് പുറകേ നടക്കുന്നു, തൊടാനായിട്ടില്ല
- മലപ്പുറംത്ത് അമ്മയ്ക്കൊപ്പം ഉറങ്ങിക്കിടന്ന നവജാത ശിശുവിനെ മരിച്ച നിലയില് കണ്ടെത്തി
- ഹോർമൂസ് കടലിടുക്ക്; പുതിയ വ്യാപാര റൂട്ട് ശക്തിപ്പെടുത്താൻ സൗദിയും യുഎഇയും
- ജിംനേഷ്യത്തിന്റെയും ബ്യൂട്ടി സലൂണിന്റെയും മറവില് ലഹരിവില്പ്പന; മയക്കുമരുന്നുമായി യുവതി അറസ്റ്റില്
- 200 കോടിയുടെ വീട്...കോണ്ഗ്രസിന്റെ നുണക്കഥ ഏറ്റില്ല ; തടസ്സവാദങ്ങള് തള്ളി, രാജീവ് ചന്ദ്രശേഖറിന്റെ പത്രിക സ്വീകരിച്ചു
