യു പ്രതിഭയ്ക്കെതിരായ സ്ത്രീവിരുദ്ധ പരാമർശം; ഇർഷാദിനെതിരെ കേസെടുത്ത് പോലീസ്
ആലപ്പുഴ: കായംകുളം എംഎല്എ യു പ്രതിഭയ്ക്കെതിരായ സ്ത്രീവിരുദ്ധ പരാമര്ശത്തില് കായംകുളം മണ്ഡലം യുഡിഎഫ് കണ്വീനറും മുസ്ലിം ലീഗ് നേതാവുമായിരുന്ന എ ഇര്ഷാദിനെതിരെ കേസെടുത്ത് പോലീസ്. സ്ത്രീത്വത്തെ അപമാനിച്ചു, അപകീര്ത്തിപ്പെടുത്തി എന്നീ കുറ്റങ്ങള് ചുമത്തിയാണ് കായംകുളം പോലീസ് ആണ് കേസെടുത്തത്.
ഇര്ഷാദിനെതിരെ കേസെടുക്കാന് ആലപ്പുഴ ജില്ലാ കളക്ടര് അലക്സ് വര്ഗീസാണ് പോലീസിന് നിര്ദേശം നല്കിയത്. ഇര്ഷാദിന്റെ പ്രസ്താവന പെരുമാറ്റച്ചട്ടത്തിന്റെ ലംഘനം ആണെന്നാണ് വിലയിരുത്തല്. അടിസ്ഥാനരഹിതമായ പ്രസ്താവന നടത്തല്, അപകീര്ത്തിപ്പെടുത്തല്, സ്ത്രീത്വത്തെ അപമാനിക്കല് എന്നീ വകുപ്പുകള് ചുമത്താനും കളക്ടര് നിര്ദേശം നല്കിയിരുന്നു.
അതേസമയം കഴിഞ്ഞ ദിവസമാണ് 'യു പ്രതിഭ ശരീര അഴക് വില്പ്പന ചരക്കാക്കി തെരഞ്ഞെടുപ്പിനെ നേരിടുന്നുവെന്ന്' എ ഇര്ഷാദ് വിവാദ പ്രസ്താവന നടത്തിയത് . വാക് ചാരുതയും വില്പ്പനയ്ക്ക് വെച്ചിരിക്കുകയാണെന്നാണ് ഇര്ഷാദ് പറഞ്ഞത്. യുഡിഎഫ് മണ്ഡലം കണ്വെന്ഷന്നില പ്രസംഗത്തില് ആയിരുന്നു പരാമര്ശം. പരാമര്ശം വിവാദമായതിന് പിന്നാലെ എ ഇര്ഷാദിനെതിരെ മുസ്ലിം ലീഗ് നടപടി സ്വീകരിച്ചിരുന്നു. യുഡിഎഫ് കായംകുളം നിയോജക മണ്ഡലം ചെയര്മാന് സ്ഥാനത്ത് നിന്നും എ ഇര്ഷാദിനെ നീക്കുകയും പകരം മുസ്ലിം ലീഗ് ജില്ലാ ജനറല് സെക്രട്ടറി എച്ച് ബഷീര് കുട്ടിയെ നിയമിക്കുകയും ചെയ്തു.
LATEST NEWS
- സുഹൃത്തിന്റെ പ്രായപൂര്ത്തിയാകാത്ത മകളെ ലൈംഗികമായി ഉപദ്രവിച്ചു; യുവാവിന് 6 വര്ഷം തടവ്
- മഞ്ചേശ്വരത്ത് യുഡിഎഫ്-എസ്ഡിപിഐ ‘ഡീൽ’; പത്രിക പിൻവലിപ്പിച്ചത് കുഞ്ഞാലിക്കുട്ടിയും സതീശനും ഇടപെട്ടെന്ന് കെ സുരേന്ദ്രൻ
- അമ്മ വെള്ളം വാങ്ങാൻ പ്ലാറ്റ്ഫോമിലിറങ്ങി, ട്രെയിനിൽ തനിച്ചിരുന്ന 10 വയസുകാരിയോട് ലൈംഗികാതിക്രമം; പ്രതി പിടിയിൽ
- ' ആര്എസ്എസ് ചടങ്ങില് ഗോൾവാൾക്കറുടെ ഫോട്ടോക്ക് കീഴില് വിളക്കുകൊളുത്തിയത് ഏത് ഡീല്';പ്രതിപക്ഷ നേതാവിനെതിരെ മുഖ്യമന്ത്രി
- വി.മുരളീധരൻ ശ്രീകാര്യം മാർക്കറ്റിലെത്തി ; കച്ചവടക്കാർ പരാതിയുടെ ഭാണ്ഡമഴിച്ചു ; വ്യാപാരികൾ അനുഭവിക്കുന്നത് ദുരിത യാതന
