കെ. സുധാകരന് വേണമെങ്കില് പറവൂര് വിട്ടുകൊടുക്കാം: വി.ഡി. സതീശന്
കൊച്ചി: പാര്ട്ടി നിര്ദേശിക്കുന്നവര് സ്ഥാനാര്ഥികളാകുമെന്നും ആര്ക്കും താന് ഉറപ്പൊന്നും നല്കിയിട്ടില്ലെന്നും പ്രതിപക്ഷനേതാവ് വി.ഡി. സതീശന്. കണ്ണൂര് സീറ്റിനായി സമ്മര്ദതന്ത്രം തുടരുന്ന കെ. സുധാകരന് എം.പിയുടെ നിലപാടില് സതീശന് അതൃപ്തി പ്രകടിപ്പിച്ചു.
സീറ്റിന്റെ കാര്യമൊക്ക ഹൈക്കമാന്ഡാണ് തീരുമാനിക്കുന്നത്. എം.പിമാര് നിയമസഭാ തെരഞ്ഞെടുപ്പില് മത്സരിക്കണോയെന്ന് തീരുമാനിക്കേണ്ടതും ഹൈക്കമാന്ഡാണ്. എം.പിമാര് ദേശീയതലത്തിലാണ് പ്രവര്ത്തിക്കുന്നത്. സുധാകരനെ കെ.പി.സി.സി. അധ്യക്ഷസ്ഥാനത്തുനിന്ന് നീക്കിയപ്പോള്, നിയമസഭാ സീറ്റ് ഉറപ്പ് നല്കിയോയെന്നറിയില്ല. ഉറപ്പുനല്കാന് മാത്രം മുതിര്ന്നനേതാവല്ല താന്.
ആരും സ്വയം സ്ഥാനാര്ഥിത്വം പ്രഖ്യാപിക്കേണ്ട. താന് മത്സരിക്കുന്നതുപോലും ഹൈക്കമാന്ഡ് തീരുമാനിക്കും. സുധാകരന് പറവൂരില് മത്സരിക്കണമെങ്കില് താന് സീറ്റ് വിട്ടുകൊടുക്കും. യു.ഡി.എഫ്. സ്ഥാനാര്ഥികളെ മാധ്യമങ്ങള് തീരുമാനിക്കേണ്ട. ഓരോ ചാനലും ഓരോരുത്തരെ സ്ഥാനാര്ഥികളായി വാഴിക്കുന്നത് പരിഹാസ്യമാണ്. തെരഞ്ഞെടുപ്പ് കമ്മിഷന് തീയതി പ്രഖ്യാപിച്ചാല് 50 സ്ഥാനാര്ഥികളെ അപ്പോള്ത്തന്നെ പ്രഖ്യാപിക്കാന് കോണ്ഗ്രസ് സജ്ജമാണെന്നും സതീശന് പറഞ്ഞു.
LATEST NEWS
- സുധാകരന്മാര് ഇടംവലം തലവേദന; സ്വയം സ്ഥാനാര്ഥിത്വം പ്രഖ്യാപിച്ച് ജി. സുധാകരന്, ഹൈക്കമാന്ഡിനെ വെല്ലുവിളിച്ച്, മത്സരിക്കുമെന്നു കെ. സുധാകരന്
- പാചകവാതകക്ഷാമം: 'വാര് റൂം' തുറന്ന് സംസ്ഥാനസര്ക്കാര്; വാണിജ്യ സിലിണ്ടറില് ഇളവ് പരിഗണിക്കാമെന്ന് കമ്പനികള്, സ്റ്റോക്ക് എല്ലാ ദിവസവും വിലയിരുത്തും
- 'പുറത്താക്കേണ്ടിവന്നേനേ'; ജി. സുധാകരന് പോയത് നന്നായെന്ന് സി.പി.എം., സഖാവല്ല, 'വെറും' സുധാകരനെന്ന് തിരുത്ത്! പ്രതിരോധിക്കാന് നേതാക്കള് ആലപ്പുഴയിലേക്ക്
- മുകുന്ദനില് തട്ടി കോണ്ഗ്രസ്; സ്വതന്ത്രനായി മത്സരിക്കട്ടെയെന്ന് ഒരുവിഭാഗം, തീരുമാനമെടുക്കാനാവാതെ സംസ്ഥാന നേതൃത്വം, പന്ത് ഹൈക്കമാന്ഡിന്റെ കോര്ട്ടില്
- നസ്രാണികള് ഒന്നിച്ചുനില്ക്കേണ്ടത് കാലഘട്ടത്തിന്റെ ആവശ്യം: കാതോലിക്കാ ബാവ
