' ലവ് യൂ ബിഗ് ബ്രദര്' ; ഷാഹിദ് കപൂറിന് പിറന്നാള് ആശംസകളുമായി ഇഷാന് ഖട്ടര്
ബോളിവുഡിലെ പ്രിയപ്പെട്ട നടനാണ് ഷാഹിദ് കപൂര്. താരത്തിന് പിറന്നാള് ആശംസകള് അറിയിച്ച് സോഷ്യല് മീഡിയയില് കുറിപ്പ് പങ്കുവെച്ചിരിക്കുകയാണ് ഷാഹിദ് കപൂറിന്റെ സഹോദരനും നടനുമായ ഇഷാന് ഖട്ടര്. ഷാഹിദ് കപൂറിന്റെ മടിയിലിരിക്കുന്ന തന്റെ രണ്ട് ചിത്രങ്ങളാണ് ഇഷാന് പങ്കുവെച്ചത്. അതില് ഒന്ന് ഇഷാന് കുട്ടി ആയിരിക്കുമ്പോള് ഉളള ഫോട്ടോയാണ്.
'എന്താണ് പറയേണ്ടത്.. വലിയ മാറ്റമൊന്നും വന്നിട്ടില്ലല്ലോ? ലവ് യൂ, ബിഗ് ബ്രദര്. ജന്മദിനാശംസകള്. എന്നും പരസ്പരം താങ്ങായി ഉണ്ടാകാന് നമുക്ക് ആശംസിക്കാം', എന്നാണ് ഇഷാന് ഖട്ടര് ഇന്സ്റ്റഗ്രാമില് കുറിച്ചത്. ഇഷാന്റെ പോസ്റ്റിനു താഴെയായി നിരവധി പേര് ഷാഹിദ് കപൂറിന് പിറന്നാള് ആശംസിച്ച് കമന്റുകള് രേഖപ്പെടുത്തിയിട്ടുണ്ട്.
അതേസമയം ' ഒ റോമിയോ' എന്ന ചിത്രമാണ് ഷാഹിദ് കപൂറിന്റേതായി ഏറ്റവും ഒടുവില് പുറത്തിറങ്ങിയ ചിത്രം. വിശാല് ഭരദ്വാജ് സംവിധാനം ചെയ്യുന്ന ചിത്രത്തില് ത്രിപ്തി ദിമ്രി, നാന പടേക്കര്, അവിനാശ് തിവാരി, എന്നിവരും പ്രധാന വേഷങ്ങളില് എത്തുന്നുണ്ട്. മുംബൈ അധോലോകത്തിന്റെ പശ്ചാത്തലത്തില് പറയുന്ന ഒരു പ്രതികാര കഥയാണ് ചിത്രം പറയുന്നത്. ഹുസൈന് സൈദിയുടെ ' മാഫിയ ക്വീന്സ് ഓഫ് മുംബൈ' എന്ന പുസ്തകത്തെ ആസ്പദമാക്കിയാണ് ചിത്രം ഒരുക്കിയിരിക്കുന്നത്.
LATEST NEWS
- ‘ഇവനെയെന്തിന് എടുത്തുവെന്നതടക്കം ഭയങ്കര സൈബര് ബുള്ളിയിംഗ് വന്നു; 100 വാള്ട്ടിന്റെ ബള്ബായി കത്തിക്കിടന്ന ഞാന് പെട്ടെന്ന് സീറോ വാള്ട്ടായി പോയി...’ ഫുക്രു
- വിജയ്യെക്കുറിച്ച് തൃഷയോട് ചോദ്യങ്ങളുമായി പാപ്പരാസികള്; മൈന്ഡ് ചെയ്യാതെ താരം
- മാനവരാശിയുടെ നിലനില്പിനു തന്നെ ഭീഷണിയാകുന്ന ചില വിശ്വാസപ്രമാണങ്ങൾ ...... പൊളിച്ചെഴുത്തിൻ്റെ കാഹളം മുഴക്കിയെത്തുന്ന ആക്ഷൻ ക്രൈം ത്രില്ലർ കിരാത മാർച്ച് 27-ന് തീയേറ്ററുകളിൽ
- ' തിയേറ്ററില് വര്ക്കായില്ല, പക്ഷേ ആ ചിത്രം വിരാട് കോഹ്ലിയ്ക്ക് ഇഷ്ടമാണെന്നും മാച്ചിന് മുമ്പ് കാണാറുണ്ടെന്നും പറഞ്ഞു' ; പ്രിയദര്ശന്
- ' പ്രമാണിമാരോടും ഉന്നതന്മാരോടും ഒരു നീതി, സാധാരണ മനുഷ്യരോട് മറ്റൊരു നീതി' ; മുഖ്യമന്ത്രിയോട് നടന് പ്രേം കുമാര്
