ജീനിയസ്; സഞ്ജയ് ലീല ബന്‍സാലിയുടെ ജന്മദിനത്തില്‍ വൈകാരിക കുറിപ്പ് പങ്കുവെച്ച് മനീഷ കൊയ്‌രാള

photo-www.instagram.com/m_koirala/

സംവിധായകന്‍ സഞ്ജയ് ലീല ബന്‍സാലിക്ക് ജന്മദിനാശംസകള്‍ നേര്‍ന്ന് ഹൃദ്യമായ കുറിപ്പ് പങ്കുവെച്ച് നടി മനീഷ കൊയ്‌രാള. ജീനിയസ് എന്നാണ് അദ്ദേഹത്തെ മനീഷ വിശേഷിപ്പച്ചത് ഒപ്പം സിനിമാരംഗത്തോടുളള സഞ്ജയ് ലീല ബന്‍സാലിയുടെ സമര്‍പ്പണത്തെ താരം പ്രശംസിക്കുകയും ചെയ്തു.

‘ഹാപ്പി ബര്‍ത്ത്‌ഡേ സഞ്ജയ്. നിങ്ങളെ ഒരു ജീനിയസ് എന്ന് വിളിക്കുന്നത് എളുപ്പമാണ്-എന്നാല്‍ നിങ്ങളെ യഥാര്‍ത്ഥത്തില്‍ നിര്‍വചിക്കുന്നത് നിങ്ങളുടെ സമര്‍പ്പണമാണ്. സിനിമയോടും , സൗന്ദര്യത്തോടും, സംഗീതത്തോടും , വികാരങ്ങളോടുമുളള സമര്‍പ്പണം. കൂടാതെ മികവിനായുളള നിരന്തരമായ പരിശ്രമത്തിനുളള സമര്‍പ്പണം. നിങ്ങള്‍ കലയോട് പൂര്‍ണമായി സമര്‍പ്പിക്കുന്ന രീതി ഞാന്‍ എപ്പോഴും അഭിനന്ദിച്ചിട്ടുണ്ട്. തീവ്രത, അച്ചടക്കം, ഭ്രാന്ത്, കവിത ഇതെല്ലാം നിങ്ങള്‍ സൃഷ്ടിക്കുന്ന ലോകത്തിന്റെ ഭാഗമായി മാറുന്നു. അഭിനേതാക്കള്‍ എന്ന നിലയില്‍ നിങ്ങളുടെ പ്രപഞ്ചത്തിലേക്ക് കാലെടുത്തുവയ്ക്കുന്നത് ഒരു വെല്ലുവിളിയും പദവിയുമാണ്.

View this post on Instagram

A post shared by Manisha Koirala (@m_koirala)

നിങ്ങള്‍ രംഗങ്ങള്‍ സംവിധാനം ചെയ്യുക മാത്രമല്ല വികാരങ്ങള്‍ രൂപപ്പെടുത്തുകയും ചെയ്യുന്നു. നിങ്ങള്‍ കഥകള്‍ പറയുക മാത്രമല്ല, സിംഫണികള്‍ പോലെ അവ രചിക്കുകയും ചെയ്യുന്നു. നിങ്ങളുടെ സിനിമയ്ക്ക് ഗാംഭീര്യമുണ്ട്, അതെ പക്ഷേ അത് ആഴത്തിലുളള ദുര്‍ബലതയും വഹിക്കുന്നു. അത് അപൂര്‍വമാണ്. നിങ്ങളുടെ ജന്മദിനത്തില്‍ നിങ്ങളുടെ ഹൃദയത്തില്‍ തീയും, നിങ്ങളുടെ കാഴ്ചപ്പാടില്‍ ധൈര്യവും, നിങ്ങളെ നിങ്ങളാക്കി മാറ്റുന്ന അതേ വിട്ടുവീഴ്ചയില്ലാത്ത അഭിനിവേശവും തുടരണമെന്ന് ഞാന്‍ ആഗ്രഹിക്കുന്നു. നമ്മളെയെല്ലാം അതിജീവിക്കുന്ന ലോകങ്ങള്‍ നിങ്ങള്‍ സൃഷ്ടിച്ചുകൊണ്ടിരിക്കട്ടെ. ഊഷ്മളതയോടെ, ആരാധനയോടെ, ബഹുമാനത്തോടെ - എപ്പോഴും’സഞ്ജയ് ലീല ബന്‍സാലിക്കൊപ്പമുളള ചിത്രം പങ്കുവെച്ച് മനീഷ കൊയ്‌രാള കുറിച്ചു.

നിരവധിപ്പേരാണ് പോസ്റ്റിനു താഴെ സ്‌നേഹം അറിയിച്ചെത്തുന്നത്. അതേസമയം 1996 ല്‍ പുറത്തിറങ്ങിയ ഖമോഷി: ദി മ്യൂസിക്കല്‍ എന്ന ചിത്രത്തിലാണ് സഞ്ജയ് ലീല ബന്‍സാലിയും മനീഷ കൊയ്‌രാളയും ഒരുമിച്ച് പ്രവര്‍ത്തിച്ചത്. വര്‍ഷങ്ങള്‍ക്ക് ശേഷം നെറ്റ്ഫ്‌ളിക്‌സ് പരമ്പരയായ ഹീരാമണ്ഡിക്ക് വേണ്ടിയും ഇരുവരും ഒന്നിച്ചിരുന്നു.