ഒരു നടിയുടെ 'ഷെൽഫ്-ലൈഫ്' പരമാവധി 6-7 വർഷമാണെന്ന് എന്നോട് പലരും പറഞ്ഞിരുന്നു; ഒരു അഭിനേത്രി എന്ന നിലയില് 20 വര്ഷം പൂര്ത്തിയാക്കി ; കുറിപ്പുമായി പാര്വതി തിരുവോത്ത്
ഫിലിം ഫെയര് പുരസ്കാരം ഏറ്റുവാങ്ങിയതിന് പിന്നാലെ നടി പാര്വതി തിരുവോത്ത് സോഷ്യല് മീഡിയയില് പങ്കുവെച്ച കുറിപ്പ് ശ്രദ്ധനേടുന്നു. ഒരു നടിയുടെ ഷെല്ഫ് ലൈഫ് ഏഴ് വര്ഷമാണെന്ന് അഭിനയത്തിലേക്ക് കടക്കുമ്പോള് ഒരുപാട്പേര് തന്നോട് പറഞ്ഞിരുന്നുവെന്നും ഈ കാലയളവില് കഴിയുന്നത്ര കൊമേഴ്സ്യല് സിനിമകള് ചെയ്ത് പണം സമ്പാദിക്കാന് ആളുകള് തന്നെ ഉപദേശിച്ചിരുന്നുവെന്നും പാര്വതി കുറിച്ചു.
പുരസ്കാരവുമായി നില്ക്കുന്ന ചിത്രവും പുരസ്കാരവേദിയില് മാതാപിതാക്കള്ക്കൊപ്പം നില്ക്കുന്ന ചിത്രവും പങ്കിട്ടുകൊണ്ടായിരുന്നു പാര്വതിയുടെ കുറിപ്പ്.
‘2025 ഡിസംബറില് ഇന്ത്യന് സിനിമാ രംഗത്ത് ഒരു അഭിനേത്രി എന്ന നിലയില് എന്റെ 20 വര്ഷം പൂര്ത്തിയായി. ഞാന് സിനിമയില് അഭിനയിക്കാന് തുടങ്ങിയപ്പോള് ഒരു നടിയുടെ ഫെല്ഫ്-ലൈഫ് പരമാവധി 6-7 വര്ഷമാണെന്ന് എന്നോട് പലരും പറഞ്ഞിരുന്നു.
എല്ലാം പരമാവധി പ്രയോജനപ്പെടുത്തുക, കഴിയുന്നത്ര വാണിജ്യ സിനിമകള് ചെയ്യുക, അങ്ങനെ നിങ്ങള്ക്ക് ധാരാളം പണം സമ്പാദിക്കാം- നിങ്ങളുടെ മൂല്യങ്ങളോ ആക്ടിവിസമോ നിങ്ങളെ സമ്പന്നരാക്കില്ല എന്ന് എന്നോട് പറഞ്ഞിരുന്നു. അതെല്ലാം ഇപ്പോള് വെറും തമാശ മാത്രയായി. എന്റെ കുടുംബം എപ്പോഴും എന്റെ കൂടെയുണ്ട്.
ഏറ്റവും നല്ല കൂട്ടുകാര് എന്നെ പിന്തുണയ്ക്കുന്നു. തിരസ്കാരങ്ങളെക്കാള് മനുഷ്യത്വത്തെ തിരഞ്ഞെടുക്കാന് എന്നെത്തന്നെ നിരന്തരം വിലയിരുത്താനുളള കഴിവ് ഞാന് വളര്ത്തിയെടുത്തിട്ടുണ്ട്. ഞാന് ഒരു പ്രൗഡ് വിസില്ബ്ലോവര് ആയിരിക്കാം, എന്നിരുന്നാലും ശക്തമായ വേഷങ്ങള്ക്കായി എന്നെ തിരഞ്ഞെടുക്കുന്ന സമാന ചിന്താഗതിക്കാരായ , മിടുക്കരായ കഥ പറയുന്നവരെ ഞാന് കണ്ടെത്തുന്നു.
അതുകൊണ്ട് ഈ അര്ത്ഥത്തിലെല്ലാം എന്റെ ജീവിതം സമ്പന്നമാണ്. എന്തൊരു ജീവിതം എന്റെ 6-ാമത്തെ വിജയത്തിന് നന്ദി ഫിലിം ഫെയര്’.- പാര്വതി കുറിച്ചു. സിനിമാ താരങ്ങളടക്കം നിരവധി പേരാണ് പാര്വതിയെ പിന്തുണച്ച് കമന്റുകളുമായെത്തിയിരിക്കുന്നത്.
അന്ന ബെന്, ആന്ഡ്രിയ ജെര്മിയ, അദിതി റാവു ഹൈദരി, ദിയ മിര്സ തുടങ്ങി ഒട്ടേറെ പേരാണ് പാര്വതിയ്ക്ക് ആശംസകള് നേര്ന്ന് കമന്റുമായെത്തിയിരിക്കുന്നത്. പാ രഞ്ജിത്ത് സംവിധാനം ചെയ്ത തങ്കലാന് എന്ന സിനിമയിലെ അഭിനയത്തിനാണ് പാര്വതിയ്ക്ക് ഫിലിം ഫെയര് പുരസ്കാരം ലഭിച്ചത്.
LATEST NEWS
- ‘ഇവനെയെന്തിന് എടുത്തുവെന്നതടക്കം ഭയങ്കര സൈബര് ബുള്ളിയിംഗ് വന്നു; 100 വാള്ട്ടിന്റെ ബള്ബായി കത്തിക്കിടന്ന ഞാന് പെട്ടെന്ന് സീറോ വാള്ട്ടായി പോയി...’ ഫുക്രു
- വിജയ്യെക്കുറിച്ച് തൃഷയോട് ചോദ്യങ്ങളുമായി പാപ്പരാസികള്; മൈന്ഡ് ചെയ്യാതെ താരം
- മാനവരാശിയുടെ നിലനില്പിനു തന്നെ ഭീഷണിയാകുന്ന ചില വിശ്വാസപ്രമാണങ്ങൾ ...... പൊളിച്ചെഴുത്തിൻ്റെ കാഹളം മുഴക്കിയെത്തുന്ന ആക്ഷൻ ക്രൈം ത്രില്ലർ കിരാത മാർച്ച് 27-ന് തീയേറ്ററുകളിൽ
- ' തിയേറ്ററില് വര്ക്കായില്ല, പക്ഷേ ആ ചിത്രം വിരാട് കോഹ്ലിയ്ക്ക് ഇഷ്ടമാണെന്നും മാച്ചിന് മുമ്പ് കാണാറുണ്ടെന്നും പറഞ്ഞു' ; പ്രിയദര്ശന്
- ' പ്രമാണിമാരോടും ഉന്നതന്മാരോടും ഒരു നീതി, സാധാരണ മനുഷ്യരോട് മറ്റൊരു നീതി' ; മുഖ്യമന്ത്രിയോട് നടന് പ്രേം കുമാര്
