ശബരിമല സ്വര്ണക്കൊള്ള: കുറ്റപത്രം വീണ്ടും വൈകും, അറസ്റ്റുകള് സാധൂകരിക്കാന് ശാസ്ത്രീയപരിശോധനാഫലം കൂടിയേതീരൂ
കൊച്ചി: ശബരിമല സ്വര്ണക്കൊള്ള കേസില് പ്രത്യേകാന്വേഷണസംഘം (എസ്.ഐ.ടി) കുറ്റപത്രം സമര്പ്പിക്കുന്നതു കൂടുതല് വൈകും. അടുത്തമാസം കുറ്റപത്രം സമര്പ്പിക്കാനാണ് സാധ്യത. സ്വര്ണപ്പാളി ചെമ്പെന്നു രേഖപ്പെടുത്തിയ ദേവസ്വം മിനിട്സ് ഉള്പ്പെടെ ശാസ്ത്രീയപരിശോധനയ്ക്ക് അയയ്ക്കാന് ദിവസങ്ങള്ക്കു മുമ്പാണ് നടപടിയാരംഭിച്ചത്. ഇതിനായി എ. പത്മകുമാര് ഉള്പ്പെടെയുള്ള പ്രതികളുടെ കൈയക്ഷര സാമ്പിളുകള് ശേഖരിച്ചു.
അഴിമതി നിരോധന നിയമപ്രകാരമുള്ള കേസായതിനാല് അന്തിമ റിപ്പോര്ട്ട് തയാറായാലും പ്രോസിക്യൂഷന് അനുമതി ലഭിച്ചാലേ കുറ്റപത്രം സമര്പ്പിക്കാന് കഴിയൂ. പത്മകുമാര് ഉള്പ്പെടെ ദേവസ്വം ബോര്ഡ് മുന് അംഗങ്ങളുടെ കാര്യത്തില് സര്ക്കാരും ദേവസ്വം ജീവനക്കാരുടെ കാര്യത്തില് ബോര്ഡുമാണ് പ്രോസിക്യൂഷന് അനുമതി നല്കേണ്ടത്. കുറ്റപത്രം തയാറാക്കാന് എസ്.ഐ.ടിക്കു മുന്നില് കടമ്പകള് ഏറെയുണ്ട്. മൊഴികളുടെയും ചില രേഖകളുടെയും അടിസ്ഥാനത്തിലുമുള്ള അറസ്റ്റുകള് സാധൂകരിക്കാന് ശാസ്ത്രീയപരിശോധനാഫലം കൂടിയേതീരൂ.
സ്വര്ണപ്പാളിക്കു പകരം ചെമ്പെന്നു മിനിട്സില് എഴുതിച്ചേര്ത്തത് പത്മകുമാറിന്റെ കൈപ്പടയിലാണ്. ഇത്തരം കാര്യങ്ങള് വിചാരണാവേളയില് പ്രതികള്ക്കു നിഷേധിക്കാം. അതൊഴിവാക്കാനാണ് ശാസ്ത്രീയപരിശോധന. തന്ത്രിയുടെ അനുജ്ഞ, പ്രതികളുടെ ഒപ്പുകള് എന്നിവയും ശാസ്ത്രീയപരിശോധന നടത്തണം. കേസില് സി.ബി.ഐ. അന്വേഷണമാവശ്യപ്പെട്ട് ടി.ജി. സുനില് എന്നയാള് ഹൈക്കോടതിയില് പൊതുതാത്പര്യഹര്ജി നല്കി. ബി.ജെ.പി. സംസ്ഥാനാധ്യക്ഷന് രാജീവ് ചന്ദ്രശേഖറും സമാനമായ ഹര്ജി സമര്പ്പിച്ചിരുന്നു.
LATEST NEWS
- പെരുമ്പാവൂരിൽ 20-20 പ്രതിസന്ധിയിൽ; ലക്ഷ്മിപ്രിയയുടെ പേര് വോട്ടേഴ്സ് ലിസ്റ്റിൽ ഇല്ല, ഇന്നത്തെ റോഡ് ഷോ മാറ്റി
- കൊടുവള്ളിയില് സലീം മടവൂര് എല്ഡിഎഫ് സ്വതന്ത്ര സ്ഥാനാര്ത്ഥി
- പാണക്കാട്ടുനിന്ന് പ്രഖ്യാപനം വന്നാൽ നെഞ്ചേറ്റുന്നതാണ് പാരമ്പര്യം , പാർട്ടിയെ പ്രതിസന്ധിയിലാക്കുന്നത് ആരായാലും അവർ ശത്രുക്കൾ'; KPA മജീദ്
- പാലായില് മാണിസാറിന്റെ പേര് പറയാന് പോലും ജോസിന് അര്ഹതയില്ല ; പൂഞ്ഞാറില് 20,000 വോട്ടിന്റെ ഭൂരിപക്ഷം കിട്ടുമെന്ന് പി.സി.ജോര്ജ്
- 'നന്ദി ഇല്ലെങ്കിലും നന്ദികേട് ആവരുത് സണ്ണീ': സണ്ണി ജോസഫിനെതിരെ കെ സുധാകരന് അനുകൂലികളുടെ പോസ്റ്റര്
