'റോയ്യുടെ വിയോഗം വേദനിപ്പിക്കുന്നു, എനിക്കൊരു സുഹൃത്തിനേക്കാള് ഉപരിയായിരുന്നു അദ്ദേഹം' ; മോഹന്ലാല്
പ്രമുഖ ബില്ഡര് സി ജെ റോയ്യുടെ മരണത്തില് അനുശോചനം അറിയിച്ച് നടന് മോഹന്ലാല്. റോയ്യുടെ വിയോഗം വേദനിപ്പിക്കുന്നു എന്നും തനിക്ക് അദ്ദേഹം ഒരു സുഹൃത്തിനേക്കാള് ഉപരിയായിരുന്നു എന്നും മോഹന്ലാല് ഫേസ്ബുക്കില് കുറിച്ചു. ഈ വേളയില് അവരുടെ കുടുംബത്തിന്റെ ദുഃഖത്തില് പങ്കുചേരുന്നു എന്നും മോഹന്ലാല് കൂട്ടിച്ചേര്ത്തു.മോഹന്ലാലുമായി അടുത്ത സൗഹൃദമുണ്ടായിരുന്ന സി ജെ റോയ് മലയാളത്തില് ഏറ്റവും കൂടുതല് സിനിമകള് നിര്മിച്ചതും മോഹന്ലാല് സിനിമകളാണ്.
മോഹന്ലാലിനെ നായകനാക്കി റോഷന് ആന്ഡ്രൂസ് സംവിധാനം ചെയ്ത ' കാസനോവ' എന്ന ചിത്രത്തിലുടെയാണ് കോണ്ഫിഡന്റ് ഗ്രൂപ്പ് സിനിമ നിര്മാണ രംഗത്തേക്ക് കടന്നുവരുന്നത്. ആശിര്വാദ് സിനിമാസിനൊപ്പം ആന്റണി പെരുമ്പാവൂരുമായി ചേര്ന്നാണ് സി ജെ റോയ് കാസനോവ നിര്മിച്ചത്. തൊട്ടടുത്ത വര്ഷം മോഹന്ലാലും മീര ജാസ്മിനും പ്രധാന വേഷങ്ങളില് എത്തിയ ലേഡീസ് ആന്ഡ് ജെന്റില്മാന് എന്ന ചിത്രവും നിര്മിച്ചു. ഈ സിനിമയും ആശിര്വാദ് സിനിമാസിനൊപ്പം ആന്റണി പെരുമ്പാവൂരുമായി ചേര്ന്നാണ് ഒരുക്കിയത്. മോഹന്ലാലിനെ നായകനാക്കി പ്രിയദര്ശന് സംവിധാനം ചെയ്ത മരക്കാര് അറബിക്കടലിന്റെ സിംഹം എന്ന സിനിമയുടെ കോ പ്രൊഡ്യൂസര്മാരില് ഒരാളായിരുന്നു സി ജെ റോയ്. 100 കോടിയിലായിരുന്നു ചിത്രം ഒരുങ്ങിയത്.
ഇന്നലെ ഉച്ചയോടെ ആദായനികുതി വകുപ്പിന്റെ റെയ്ഡിനിടെയാണ് സി ജെ റോയ് ജീവനൊടുക്കിയത്. ബെംഗളൂരുവിലെ അശോക് നഗറിലുളള കോര്പ്പറേറ്റ് ഓഫീസില്വെച്ച് അദ്ദേഹം സ്വയം വെടിയുതിര്ത്തുകയായിരുന്നു. ആശുപത്രിയില് എത്തിച്ചപ്പോഴേയ്ക്കും മരണം സംഭവിച്ചിരുന്നു.
LATEST NEWS
- ‘ഇവനെയെന്തിന് എടുത്തുവെന്നതടക്കം ഭയങ്കര സൈബര് ബുള്ളിയിംഗ് വന്നു; 100 വാള്ട്ടിന്റെ ബള്ബായി കത്തിക്കിടന്ന ഞാന് പെട്ടെന്ന് സീറോ വാള്ട്ടായി പോയി...’ ഫുക്രു
- വിജയ്യെക്കുറിച്ച് തൃഷയോട് ചോദ്യങ്ങളുമായി പാപ്പരാസികള്; മൈന്ഡ് ചെയ്യാതെ താരം
- മാനവരാശിയുടെ നിലനില്പിനു തന്നെ ഭീഷണിയാകുന്ന ചില വിശ്വാസപ്രമാണങ്ങൾ ...... പൊളിച്ചെഴുത്തിൻ്റെ കാഹളം മുഴക്കിയെത്തുന്ന ആക്ഷൻ ക്രൈം ത്രില്ലർ കിരാത മാർച്ച് 27-ന് തീയേറ്ററുകളിൽ
- ' തിയേറ്ററില് വര്ക്കായില്ല, പക്ഷേ ആ ചിത്രം വിരാട് കോഹ്ലിയ്ക്ക് ഇഷ്ടമാണെന്നും മാച്ചിന് മുമ്പ് കാണാറുണ്ടെന്നും പറഞ്ഞു' ; പ്രിയദര്ശന്
- ' പ്രമാണിമാരോടും ഉന്നതന്മാരോടും ഒരു നീതി, സാധാരണ മനുഷ്യരോട് മറ്റൊരു നീതി' ; മുഖ്യമന്ത്രിയോട് നടന് പ്രേം കുമാര്
