സൂപ്പര്താരം രജനീകാന്ത് ആത്മകഥയെഴുതുന്നു; സ്ഥിരീകരിച്ച് മകള് സൗന്ദര്യ
സൂപ്പര്താരം രജനീകാന്ത് ആത്മകഥയെഴുതുന്നുവെന്ന് സ്ഥിരീകരിച്ച് മകള് സൗന്ദര്യ. കഷ്ടപ്പാടുകളില് നിന്ന് ഇന്ത്യന് സിനിമയിലെ ഏറ്റവും പ്രശസ്തനായ നടനായി ഉയര്ന്നുവന്ന അദ്ദേഹത്തിന്റെ യാത്ര പുസ്തകത്തില് വിവരിക്കുമെന്ന് അവര് പറഞ്ഞു. തന്റെ പുതിയ ചിത്രത്തിന്റെ പ്രചരണത്തിനിടെ സംസാരിക്കവേയാണ് സൗന്ദര്യ ഇക്കാര്യം വെളിപ്പെടുത്തിയത്.
കഠിനാധ്വാനം കൊണ്ട് സ്വന്തം വഴിവെട്ടിയയാള് എന്നാണ് സൗന്ദര്യ തന്റെ പിതാവായ രജനീകാന്തിനെ വിശേഷിപ്പിച്ചത്. ആളുകള്ക്ക് അറിയാന് ആകാംക്ഷയുളള അദ്ദേഹത്തിന്റെ ജീവിതത്തിലെ പ്രധാനപ്പെട്ട വഴിത്തിരിവുകള് പുസ്തകം വിവരിക്കും. ഇത് അദ്ദേഹത്തിന്റെ കരിയറിലെ അധികമാരും അറിയാത്ത ഘട്ടങ്ങളിലേക്കുളള വെളിച്ചം വീശുമെന്നും അവര് സൂചിപ്പിച്ചു.
രജനീകാന്തിന്റെ ജീവിതത്തെയും അഭിനയത്തെയും കുറിച്ചുളള സമഗ്രമായ വിവരണമായിരിക്കും ഈ പുസ്തകമെന്ന് സൗന്ദര്യ വിശേഷിപ്പിച്ചു. '' ഈ ആത്മകഥ അദ്ദേഹത്തിന്റെ യാത്രയെക്കുറിച്ചും ഓരോ വേഷത്തിനും ജീവിതത്തിനും വേണ്ടി അദ്ദേഹം നടത്തിയ പ്രയത്നത്തെക്കുറിച്ചും ഉള്ക്കാഴ്ച നല്കും. ഇത് ലോകമെമ്പാടും ചര്ച്ചയാകും,''- സൗന്ദര്യ കൂട്ടിച്ചേര്ത്തു.
അതേസമയം കമല്ഹാസന് നിര്മിച്ച് സിബി ചക്രവര്ത്തി സംവിധാനം ചെയ്യുന്ന തലൈവര് 173, നെല്സണ് സംവിധാനം ചെയ്യുന്ന ജയിലര് 2 എന്നിവയാണ് രജനീകാന്തിന്റേതായി അണിയറയില് ഒരുങ്ങുന്ന പ്രധാന സിനിമകള്.
LATEST NEWS
- ‘ഇവനെയെന്തിന് എടുത്തുവെന്നതടക്കം ഭയങ്കര സൈബര് ബുള്ളിയിംഗ് വന്നു; 100 വാള്ട്ടിന്റെ ബള്ബായി കത്തിക്കിടന്ന ഞാന് പെട്ടെന്ന് സീറോ വാള്ട്ടായി പോയി...’ ഫുക്രു
- വിജയ്യെക്കുറിച്ച് തൃഷയോട് ചോദ്യങ്ങളുമായി പാപ്പരാസികള്; മൈന്ഡ് ചെയ്യാതെ താരം
- മാനവരാശിയുടെ നിലനില്പിനു തന്നെ ഭീഷണിയാകുന്ന ചില വിശ്വാസപ്രമാണങ്ങൾ ...... പൊളിച്ചെഴുത്തിൻ്റെ കാഹളം മുഴക്കിയെത്തുന്ന ആക്ഷൻ ക്രൈം ത്രില്ലർ കിരാത മാർച്ച് 27-ന് തീയേറ്ററുകളിൽ
- ' തിയേറ്ററില് വര്ക്കായില്ല, പക്ഷേ ആ ചിത്രം വിരാട് കോഹ്ലിയ്ക്ക് ഇഷ്ടമാണെന്നും മാച്ചിന് മുമ്പ് കാണാറുണ്ടെന്നും പറഞ്ഞു' ; പ്രിയദര്ശന്
- ' പ്രമാണിമാരോടും ഉന്നതന്മാരോടും ഒരു നീതി, സാധാരണ മനുഷ്യരോട് മറ്റൊരു നീതി' ; മുഖ്യമന്ത്രിയോട് നടന് പ്രേം കുമാര്
