‘ഇതുപോലുള്ള സ്വപ്നങ്ങൾ ഒരുകാലത്ത് സങ്കൽപ്പിക്കാൻ കഴിയാത്തത്ര വലുതായിരുന്നു; എന്നെന്നും നന്ദിയുള്ളവള്‍...’ രാഷ്ട്രപതി ഭവനിലെ അഭിമാന നിമിഷം പങ്കിട്ട് സാമന്ത റൂത്ത് പ്രഭു

Samantha Ruth Prabhu shares proud moment at Rashtrapati Bhavan (Image Source: Instagram)

ജനുവരി 26 ന് ന്യൂഡൽഹിയിൽ നടന്ന അറ്റ്-ഹോം റിസപ്ഷനായിരുന്നു റിപ്പബ്ലിക് ദിനാഘോഷങ്ങളുടെ ഔദ്യോഗിക സമാപനം. ഇന്ത്യൻ പ്രസിഡന്റ് ദ്രൗപതി മുർമു അധ്യക്ഷത വഹിച്ച സ്വീകരണ ചടങ്ങിൽ രാഷ്ട്രീയക്കാർ, നയതന്ത്രജ്ഞർ, രാജ്യത്തെ പ്രമുഖ പൗരന്മാർ എന്നിവർ ആതിഥേയത്വം വഹിച്ചു. പ്രധാനമന്ത്രി നരേന്ദ്ര മോദി, മുൻ ഉപരാഷ്ട്രപതി ജഗ്ദീപ് ധൻഖർ, വ്യത്യസ്ത പദവികളിൽ സേവനമനുഷ്ഠിക്കുന്ന നിരവധി നയതന്ത്രജ്ഞർ എന്നിവരുടെ സാന്നിധ്യവും ഇതിൽ ഉൾപ്പെട്ടിരുന്നു.
റിപ്പബ്ലിക് ദിനാഘോഷങ്ങളുടെ ഭാഗമായി രാഷ്‌ട്രപതി ഭവനില്‍ സംഘടിപ്പിച്ച അറ്റ് ഹോം സല്‍ക്കാരത്തില്‍ പങ്കെടുക്കാന്‍ കഴിഞ്ഞ സന്തോഷം ഒരുപാട് സെലിബ്രിറ്റികള്‍ സോഷ്യല്‍ മീഡിയയിലൂടെ പങ്കിടുന്നുണ്ട്. മിക്ക സെലിബ്രിറ്റികളും തങ്ങളുടെ ജീവിതത്തിലെ മറക്കാനാവാത്ത ഒരു അനുഭവമായിട്ടാണ് ഇതിനെ വിവരിക്കുന്നത്.
ഇപ്പോഴിതാ തെന്നിന്ത്യയിൽ മാത്രമല്ല ബോളിവുഡിലും സജീവമായ സമാന്ത റൂത്ത് പ്രഭുവും അറ്റ് ഹോം സൽ‍ക്കാരത്തിൽ പങ്കെടുത്തതിന്റെ സന്തോഷം പങ്കുവച്ചിരിക്കുകയാണ്. ഇതുപോലുള്ള സ്വപ്നങ്ങൾ ഒരുകാലത്ത് സങ്കൽപ്പിക്കാൻ പോലും കഴിയാത്തത്ര വലുതായി തോന്നിയിരുന്നെന്നും എന്നെന്നും നന്ദിയുള്ളവളാണ് താനെന്നുമാണ് താരം കുറിച്ചിരിക്കുന്നത്.
‘‘ഞാന്‍ വളരുമ്പോള്‍ വഴികാട്ടാന്‍ എനിക്കൊരു ചിയര്‍ ലീഡറും ഉണ്ടായിരുന്നില്ല. ഒരുനാള്‍ നീ ഇവിടെ എത്തും എന്ന് എന്റെ ഉള്ളില്‍ നിന്ന് പോലും യാതൊരു ഉള്‍വിളിയും ഉണ്ടായിട്ടില്ല. ഇവിടേക്കൊരു റോഡ്മാപ്പും എനിക്കുണ്ടായിട്ടില്ല.
ഇതുപോലുള്ള സ്വപ്നങ്ങൾ ഒരുകാലത്ത് സങ്കൽപ്പിക്കാൻ പോലും കഴിയാത്തത്ര വലുതായി തോന്നിയിരുന്നു. പക്ഷേ ശ്രമങ്ങള്‍ തുടരാന്‍ അനുവദിച്ച ഒരു രാജ്യത്ത് ഞാന്‍ എന്റെ യാത്ര തുടന്നുകൊണ്ടേയിരിക്കുന്നു. എന്നെന്നും നന്ദിയുള്ളവളാണ്...’’ രാഷ്‌ട്രപതി ഭവനില്‍ നിന്നുള്ള ചിത്രങ്ങള്‍ പങ്കിട്ട് സമാന്ത കുറിച്ചു. നിരവധി സഹതാരങ്ങള്‍ സമാന്തയുടെ സന്തോഷത്തിന് സ്നേഹം നിറഞ്ഞ കമന്റുകള്‍ കുറിക്കുന്നുണ്ട്. ഔദ്യോഗിക ക്ഷണം കിട്ടിയതു മുതല്‍ രാഷ്ട്രപതി ഭവനു മുന്നിൽ നിൽക്കുന്നത് വരെയുള്ള ചിത്രങ്ങളാണ് സമാന്ത പങ്കിട്ടിരിക്കുന്നത്. താരം കുറിച്ച വരികകളില്‍ തന്റെ നിശബ്ദമായ അഭിമാനവും സത്യമാണെന്ന് വിശ്വസിക്കാനാവുന്നില്ല എന്ന വികാരവും നിറഞ്ഞു നില്‍ക്കുന്നുണ്ട്. സോഫ്റ്റ് ഗ്രീന്‍ സാരിയും ക്രീം നിറത്തിലുള്ള കല്ലുകൾ കൊണ്ടുള്ള ബോൾഡ് നെക്ക്പീസും ധരിച്ച് സാമന്ത എലഗന്റ് ലുക്കിലാണ് ചടങ്ങില്‍ പങ്കെടുത്തത്. സ്ഥിരോത്സാഹത്തിന്റെയും പരിശ്രമത്തിന്റെയും വിജയത്തിന്റെയും ഒരു ഘ്രാണാത്മക ക്ഷണമായിരുന്നു സമാന്തയ്ക്ക് കിട്ടിയ ക്ഷണം.

View this post on Instagram

A post shared by Samantha (@samantharuthprabhuoffl)

Samantha Ruth Prabhu shares proud moment at Rashtrapati Bhavan (Image Source: Instagram)

കരിയറില്‍ മാത്രമല്ല വ്യക്തി ജീവിതത്തിലും സന്തോഷ നിമിഷങ്ങളിലൂടെയാണ് സമാന്തയിപ്പോള്‍ കടന്നു പോകുന്നത്. തന്റെ ആത്മസുഹൃത്തും ചലച്ചിത്ര നിർമ്മാതാവ് രാജ് നിഡിമോരുവിനെ താരം ജീവിതപങ്കാളിയാക്കിയിരുന്നു. പ്രവീൺ കന്ദ്രേഗുല സംവിധാനം ചെയ്ത ‘ശുഭം’ എന്ന ഹൊറർ കോമഡി ചിത്രത്തിലാണ് സാമന്ത അവസാനമായി അഭിനയിച്ചത്. ‘മാ ഇന്ദി ബങ്കാരം’ ആണ് സാമന്തയുടേതായി ഇനി റിലീസിനൊരുങ്ങുന്ന ചിത്രം. ആക്ഷൻ ത്രില്ലറായി എത്തുന്ന ചിത്രത്തിന്റെ ടീസറും പുറത്തുവന്നിരുന്നു. മികച്ച അഭിപ്രായമാണ് ടീസറിന് ലഭിച്ചുകൊണ്ടിരിക്കുന്നത്. നന്ദിനി റെഡ്ഡി ആണ് ചിത്രം സംവിധാനം ചെയ്യുന്നത്.
നടൻ ഉണ്ണി മുകുന്ദനും അറ്റ് ഹോം സൽ‍ക്കാരത്തിൽ പങ്കെടുത്തതിന്റെ സന്തോഷം പങ്കുവച്ചിരുന്നു. ജീവിതത്തിൽ പുലർത്തിയ ആത്മാർഥതയ്ക്ക് ലഭിച്ച ബഹുമതിയാണെന്നായിരുന്നു ഉണ്ണി മുകുന്ദൻ സോഷ്യൽ മീഡിയയിൽ കുറിച്ചത്.