' രാജപാളയത്ത് മത്സരിക്കാന്‍ താല്‍പര്യം, പാര്‍ട്ടിയെ അറിയിച്ചിട്ടുണ്ട്' ; നടി ഗൗതമി

ചെന്നൈ: തമിഴ്‌നാട് നിയമസഭാ തിരഞ്ഞെടുപ്പില്‍ രാജപാളയം മണ്ഡലത്തില്‍ മത്സരിക്കാനൊരുങ്ങി നടി ഗൗതമി. ഇക്കാര്യം അവര്‍ അണ്ണാ ഡിഎംകെ നേതൃത്വത്തെ അറിയിച്ചു.

' രാജപാളയത്ത് മത്സരിക്കാന്‍ താത്പര്യമുളള കാര്യം പാര്‍ട്ടി നേതൃത്വത്തെ ധരിപ്പിച്ചിട്ടുണ്ട്. കുറേവര്‍ഷമായി അവിടെ മത്സരിക്കാന്‍ മനസ്സുകൊണ്ട് ആഗ്രഹിക്കുകയാണ്. പാര്‍ട്ടി ജനറല്‍ സെക്രട്ടറി എടപ്പാടി പളനിസ്വാമി അത് നിറവേറ്റിത്തരും എന്നാണ് പ്രതീക്ഷ'-ഗൗതമി ചെന്നൈയില്‍ മാധ്യമപ്രവര്‍ത്തകരോടു പറഞ്ഞു.

നിലവില്‍ അണ്ണാ ഡിഎംകെയുടെ പ്രചാരണവിഭാഗം ഡെപ്യൂട്ടി സെക്രട്ടറിയാണ് ഗൗതമി. ബിജെപിയിലായിരുന്ന ഗൗതമി തന്റെ സ്വത്തു തട്ടിയെടുത്തയാളെ പാര്‍ട്ടി നേതൃത്വം സംരക്ഷിക്കാന്‍ ശ്രമിച്ചു എന്നാരോപിച്ചാണ് കഴിഞ്ഞവര്‍ഷം അണ്ണാ ഡിഎംകെയില്‍ ചേര്‍ന്നത്.