തി​രു​വ​ല്ലത്ത് വോട്ട് ചെയ്യാനെത്തിയ വയോധിക വി​ര​ലി​ല്‍ മ​ഷി പു​ര​ട്ടി ബൂ​ത്തി​ല്‍ കയറവേ കുഴഞ്ഞു വീണു മരിച്ചു

തിരുവനന്തപുരം: വോട്ട് ചെയ്യാനെത്തിയ വയോധിക പോളിങ് ബൂത്തിനുള്ളിൽ കുഴഞ്ഞുവീണ് മരിച്ചു. തിരുവല്ലം മണമേൽ പ്ലാങ്ങൽ വീട്ടിൽ ശാന്ത (73) ആണ് മരിച്ചത്. ഇന്നലെ രാവിലെ 11.40-ഓടെ തിരുവല്ലം വാർഡിൽപ്പെട്ട പാച്ചല്ലൂർ ഗവ. എൽപി സ്കൂളിലെ ആറാം നമ്പർ ബൂത്തിലാണ് സംഭവം.

വോട്ട് ചെയ്യാനുള്ള നടപടിക്രമങ്ങൾ പൂർത്തിയാക്കിയ ശേഷം ചൂണ്ടുവിരലിൽ മഷി പുരട്ടി വോട്ടിങ് ബൂത്തിലേക്ക് കയറുന്നതിനിടെ ശാന്ത കുഴഞ്ഞുവീഴുകയായിരുന്നു.പോ​ളി​ങ് ബൂ​ത്തി​ലെ ഉ​ദ്യോ​ഗ​സ്ഥ​രെ​ത്തി വയോധികയെ പി​ടി​ച്ചെ​ഴു​ന്നേ​ല്‍പ്പി​ക്കാ​ന്‍ ശ്ര​മി​ച്ചെ​ങ്കി​ലും ക​ഴി​ഞ്ഞി​ല്ല. തുടർന്ന് പോളിങ് ഉദ്യോഗസ്ഥരും സ്ഥലത്തുണ്ടായിരുന്ന തിരുവല്ലം പോലീസ് സംഘവും ഉടൻ തന്നെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ബന്ധുക്കൾക്ക് പരാതിയില്ലാത്തതിനാൽ പോലീസ് മൃതദേഹം വിട്ടുനൽകി. പരേതനായ വിശ്വംഭരനാണ് ഭർത്താവ്.