നടന് ധര്മേന്ദ്രയുടെ ഐ.സി.യു ദൃശ്യങ്ങള് പ്രചരിപ്പിച്ചു; ആശുപത്രി ജീവനക്കാരന് അറസ്റ്റില്
ആരോഗ്യപ്രശ്നങ്ങളെത്തുടര്ന്ന് ആശുപത്രിയിലായ ബോളിവുഡ് നടന് ധര്മേന്ദ്രയുടെ തിവ്രപരിചരണ വിഭാഗത്തില് ( ഐ.സി.യു) നിന്നുളള വീഡിയോ പ്രചരിപ്പിച്ച ആശുപത്രി ജീവനക്കാരന് അറസ്റ്റില്. ആശുപത്രിയിലെ ഹൗസ് കീപ്പിങ് സ്റ്റാഫിലെ ഒരാള് ഫോണില് വീഡിയോ റെക്കോര്ഡ് ചെയ്തതായാണ് വിവരം. ധര്മേന്ദ്ര കിടക്കയില് വിശ്രമിക്കുന്നതും മക്കളായ സണ്ണി ഡിയോള്, ബോബി ഡിയോള് ഉള്പ്പെടെയുളള മറ്റ് കുടുംബാംഗങ്ങള് സമീപത്ത് നില്ക്കുന്നതും വീഡിയോയില് കാണാം. ഈ ദൃശ്യങ്ങള് സോഷ്യല് മീഡിയയില് അതിവേഗം പ്രചരിക്കുകയായിരുന്നു. നിരവധിപ്പേരാണ് താരത്തിന്റെ സ്വകാര്യതയിലേക്കുളള കടന്നു കയറ്റത്തില് പ്രതികരിച്ചത്.
സംഭവം കണ്ടെത്തിയതിനെത്തുടര്ന്ന് ആശുപത്രി അധികൃതര് ഉടര് തന്നെ ആഭ്യന്തര അനേ്വഷണം ആരംഭിച്ചു. ആശുപത്രി മാനേജ്മെന്റ് ഉടന് തന്നെ പോലീസില് വിവരം അറിയിച്ചു. പരാതിയുടെ അടിസ്ഥാനത്തില്, സ്വകാര്യത ലംഘിച്ചതിനും ഡാറ്റാ സംരക്ഷണ നിയമങ്ങള് ലംഘിച്ചതിനുമാണ് ജീവനക്കാരനെ അറസ്റ്റ് ചെയ്തു. സമ്മതമില്ലാതെ സ്വകാര്യ ഉളളടക്കം റെക്കോര്ഡ് ചെയ്യുന്നതിനും പങ്കുവെക്കുന്നതിനും ഇന്ത്യന് ശിക്ഷ നിയമത്തിലെയും ഇന്ഫര്മേഷന് ടെക്നോളജി ആക്ടിലെയും വകുപ്പുകള് പ്രകാരം കേസ് രജിസ്റ്റര് ചെയ്തിട്ടുണ്ടെന്ന് ഉദ്യോഗസ്ഥര് സ്ഥിരീകരിച്ചു.
അതേസമയം ഒക്ടോബര് 31നാണ് ശ്വാസതടസ്സം അനുഭവപ്പെട്ടതിനെ തുടര്ന്ന് താരത്തെ മുംബൈയിലെ ആശുപത്രിയില് പ്രവേശിപ്പിച്ചത്. കഴിഞ്ഞ ദിവസമാണ് അദ്ദേഹം ആശുപത്രി വിട്ടത്.
LATEST NEWS
- ' പേട്രിയറ്റ് ഡബ്ബിംഗ്' ; പുത്തന് അപ്ഡേറ്റ് പങ്കുവെച്ച് നടന് മമ്മൂട്ടി
- നിയമം നിയമമാണ്, അതിനെ കുറ്റപ്പെടുത്താന് സാധിക്കില്ല; ജനനായകന് റിലീസ് വൈകുന്നതില് പ്രതികരിച്ച് പവന് കല്യാണ്
- ഹോര്മോണല് ഷിഫ്റ്റ് വന്നു, പാര്ട്ടികള് കുറച്ചു, വേദന കുറേയുണ്ട്; നാല്പ്പതുകളിലെ ബുദ്ധിമുട്ടുകളെക്കുറിച്ച് തുറന്നു പറഞ്ഞ് രഞ്ജിനി
- ഷൈന് ടോം ചാക്കോ നായകനാകുന്ന പുതിയ ചിത്രം ' ഡാന്സാഫ്'
- ' കല്യാണം കഴിക്കാന് പോകുന്നുവെന്ന് അഹാനയുടെ മെസേജ്, നിമിഷിനെ വളരെക്കാലമായി അറിയാം, അവളോട് പറഞ്ഞത് ഒരേയൊരു കാര്യം' ; കൃഷ്ണകുമാര്
