ആ രാത്രി എന്നെ ശരിക്കും രക്ഷപ്പെടുത്തിയത് ചേച്ചിയാണ്; പത്മപ്രിയയ്ക്കൊപ്പമുളള സെല്ഫി ചിത്രങ്ങള് പങ്കുവെച്ച് കുഞ്ഞാറ്റ
അച്ഛന്റെയും അമ്മയുടെയും പാത പിന്തുടര്ന്ന് സിനിമയിലേക്ക് നാന്ദി കുറിക്കുകയാണ് മനോജ് കെ ജയന്റെയും ഉര്വശിയുടെയും മകള്, തേജ ലക്ഷ്മി എന്ന കുഞ്ഞാറ്റ . ഇതിനോടകം അമ്മയ്ക്കും അച്ഛനുമൊപ്പം സിനിമയുമായി ബന്ധപ്പെടുന്ന ഈവന്റുകളിലെല്ലാം പങ്കെടുക്ക് കുഞ്ഞാറ്റ പരിചിതയായിക്കഴിഞ്ഞു. ആരാധകര്ക്ക് മാത്രമല്ല, ഇന്റസ്ട്രിയില് പലരുമായി നല്ല സൗഹൃദ ബന്ധം സൂക്ഷിക്കാനും ഇപ്പോള് കുഞ്ഞാറ്റയ്ക്ക് സാധിക്കുന്നുണ്ട്. അങ്ങനെ ഒറു ബന്ധത്തെ കുറിച്ചാണ് താരപുത്രിയുടെ പുതിയ ഇന്സ്റ്റഗ്രാം പോസ്റ്റ്.
ഒരു അവാര്ഡ് ഷോയില് പങ്കെടുത്ത വിശേഷമാണ് പങ്കുവച്ചിരിയ്ക്കുന്നത്. അവിടെ വച്ച് യാദൃശ്ചികമായി പദ്മപ്രിയയുമായി നല്ല ഒരു ബന്ധം സ്ഥാപിക്കാന് കഴിഞ്ഞ സന്തോഷം കുഞ്ഞാറ്റ പങ്കവയ്ക്കുന്നു. ധരിച്ചിരുന്ന സാരി അഴിഞ്ഞു പോകും എന്ന ഘട്ടത്തില്, ആരുടെയും സഹായമില്ലാതെ അതൊന്ന് സെറ്റാക്കാന് വേണ്ടി ഞാന് ബാത്രൂമിലേക്ക് ഓടി. എനിക്ക് തനിച്ച് അത് സെറ്റ് ചെയ്യാന് സാധിക്കും എന്നാണ് ഞാന് കരുതിയത്.
പെട്ടന്ന് ബാത്രൂമില് നിന്ന് പത്മ ചേച്ചി ( പത്മപ്രിയ ) പുറത്തേക്ക് വന്നു. മനോഹരമായ ഒരു സംഭാഷണത്തിനൊടുവില് ചേച്ചി എന്നെ സഹായിച്ചു. ഒരു പുതിയ സ്റ്റൈലില് ആ സാരി എനിക്ക് ഉടുപ്പിച്ചു തന്നു. സത്യസന്ധമായി പറഞ്ഞാല് ആ രാത്രി എന്നെ ശരിക്കും രക്ഷപ്പെടുത്തിയത് ചേച്ചിയാണ്- പത്മപ്രിയയ്ക്കൊപ്പം എടുത്ത സെല്ഫി ചിത്രങ്ങള് പങ്കുവച്ചുകൊണ്ട് കുഞ്ഞാറ്റ ഇന്സ്റ്റഗ്രാമില് കുറിച്ചു.
പോസ്റ്റിന് താഴെ മറുപടിയുമായി പത്മപ്രിയയും എത്തിയിട്ടുണ്ട്. നീ അത്രയും ചാം പേഴ്സണ് ആണ്, നിനക്ക് വേണ്ടി ഞാന് എന്തും ചെയ്യും എന്നായിരുന്നു പദ്മപ്രിയയുടെ കമന്റ്. മകളെ സഹായിച്ചതിന് നന്ദി സൂചകമായി ലവ് ഇമോജിയിട്ടുകൊണ്ട് മനോജ് കെ ജയനും കമന്റില് എത്തിയിട്ടുണ്ട്.
അതേസമയം സുന്ദരിയായവള് സ്റ്റെല്ല എന്ന ചിത്രത്തിലൂടെയാണ് കുഞ്ഞാറ്റ ബിഗ് സ്ക്രീനിലേക്ക് അരങ്ങേറാനൊരുങ്ങുന്നത്.അഭിനയിക്കുക എന്നതായിരുന്നു കുഞ്ഞാറ്റയുടെ സ്വപ്നം. അമ്മയും അച്ഛനും ഇന്റസ്ട്രിയില് ആയതുകൊണ്ട് തന്നെ ആദ്യ ചിത്രം ഒരു പ്രഷര് തന്നെയാണ്. അതുകൊണ്ട് നല്ല ഒരു അവസരത്തിന് വേണ്ടി കാത്തിരിക്കുകയായിരുന്നുവത്രെ. ടൈറ്റില് റോളില് ഗംഭീര തുടക്കം തന്നെ ലഭിച്ചു. അതിന് ശേഷം പാബ്ലോ പാര്ട്ടി എന്ന ചിത്രവും കുഞ്ഞാറ്റ ഏറ്റെടുത്തിട്ടുണ്ട്. അമ്മ ഉര്വശിക്കൊപ്പമാണ് കുഞ്ഞാറ്റ ഈ സിനിമയില് അഭിനയിക്കുന്നത്.
LATEST NEWS
- ' പേട്രിയറ്റ് ഡബ്ബിംഗ്' ; പുത്തന് അപ്ഡേറ്റ് പങ്കുവെച്ച് നടന് മമ്മൂട്ടി
- നിയമം നിയമമാണ്, അതിനെ കുറ്റപ്പെടുത്താന് സാധിക്കില്ല; ജനനായകന് റിലീസ് വൈകുന്നതില് പ്രതികരിച്ച് പവന് കല്യാണ്
- ഹോര്മോണല് ഷിഫ്റ്റ് വന്നു, പാര്ട്ടികള് കുറച്ചു, വേദന കുറേയുണ്ട്; നാല്പ്പതുകളിലെ ബുദ്ധിമുട്ടുകളെക്കുറിച്ച് തുറന്നു പറഞ്ഞ് രഞ്ജിനി
- ഷൈന് ടോം ചാക്കോ നായകനാകുന്ന പുതിയ ചിത്രം ' ഡാന്സാഫ്'
- ' കല്യാണം കഴിക്കാന് പോകുന്നുവെന്ന് അഹാനയുടെ മെസേജ്, നിമിഷിനെ വളരെക്കാലമായി അറിയാം, അവളോട് പറഞ്ഞത് ഒരേയൊരു കാര്യം' ; കൃഷ്ണകുമാര്
