കിലുക്കത്തില്‍ നായികയാകേണ്ടിയിരുന്നത് രേവതി അല്ല മറ്റൊരു നടി; ചര്‍ച്ചയായി പോസ്റ്റ്

മോഹന്‍ലാല്‍- പ്രിയദര്‍ശന്‍ കൂട്ടുകെട്ടില്‍ പിറന്ന സൂപ്പര്‍ഹിറ്റ് ചിത്രമാണ് ' കിലുക്കം' . രേവതി ആണ് ചിത്രത്തില്‍ നായികയായി എത്തിയത്. ഇപ്പോഴിതാ കിലുക്കത്തില്‍ രേവതിയ്ക്ക് മുമ്പ് മറ്റൊരു നടിയെ കാസ്റ്റ് ചെയ്തിരുന്ന എന്ന കൗതുകകരമായ വാര്‍ത്തയാണ് പുറത്തുവരുന്നത്.

അക്കാലത്ത് തെന്നിന്ത്യയാകെ നിറഞ്ഞു നിന്നിരുന്ന നടിയായിരുന്നു അമല. തെലുങ്കില്‍ നിന്നും മലയാളത്തിലെത്തിയ അമലെയെയായിരുന്നു പ്രിയദര്‍ശന്‍ ആദ്യം മോഹന്‍ലാലിന്റെ നായികയായി കിലുക്കത്തില്‍ കാസ്റ്റ് ചെയ്തിരുന്നത്. എന്നാല്‍ പിന്നീട് ചിത്രം രേവതിയിലേക്ക് എത്തുകയായിരുന്നു. സമുഹമാധ്യമങ്ങളില്‍ വൈറലായിക്കൊണ്ടിരിക്കുന്ന ഒരു പോസ്റ്റില്‍ ആണ് ഇക്കാര്യം വെളിപ്പെടുത്തിയിരിക്കുന്നത്. കിലുക്കത്തില്‍ നിന്നും അമലയെ മാറ്റിയെന്ന പഴയൊരു വാര്‍ത്തയുടെ പത്ര കട്ടിങ് പങ്കുവെക്കുന്ന പോസ്റ്റാണ് ശ്രദ്ധ നേടുന്നത്.

Roles Exchanged!! 🎭In 1991, two classics #Kilukkam and #Ulladakkam hit theatres just weeks apart. Both turned out to be major successes: Kilukkam became a record-breaking blockbuster, while Ulladakkam earned #Mohanlal his second Kerala State Award for Best Actor and brought… pic.twitter.com/d5hj0SvWb0— Marcus Legranda (@rameshsandhyaa) October 27, 2025

എന്റെ സൂര്യപുത്രിയ്ക്ക്, ഉളളടക്കം തുടങ്ങിയ മലയാളം സിനിമകളില്‍ അഭിനയിച്ച് മലയാളത്തില്‍ അമല സജീവമായി നില്‍ക്കുന്ന സമയം ആയിരുന്നു അത്. എന്നാല്‍ ചിത്രീകരണം തുടങ്ങുന്നതിന് ചില ദിവസങ്ങള്‍ മുന്‍പ് ചില അസൗകര്യങ്ങള്‍ മൂലം അമല കിലുക്കത്തില്‍ നിന്ന് പിന്മാറുകയും പകരം ആ വേഷം രേവതിയിലേക്ക് എത്തുകയും ചെയ്തു.

ജഗതി ശ്രീകുമാര്‍, തിലകന്‍, ഇന്നസെന്റ് , ശരത് സക്‌സേന, മുരളി തുടങ്ങി നിരവധി താരങ്ങള്‍ ചിത്രത്തില്‍ അഭിനയിച്ചിട്ടുണ്ട്. 1991ല്‍ പുറത്തിറങ്ങിയ കിലുക്കം തിയേറ്ററുകളില്‍ ഒരു വര്‍ഷത്തോളം പ്രദര്‍ശിപ്പിച്ചിരുന്നു. വേണു നാഗവളളിയാണ് സിനിമയ്ക്കായി കഥയും തിരക്കഥയും ഒരുക്കിയത്. ഗുഡ് നൈറ്റ് ഫിലിംസിന് വേണ്ടി ആര്‍ മോഹന്‍ ആണ് കിലുക്കം നിര്‍മിച്ചത്.