' ദൈവകൃപയാല് ഞാന് സുഖമായിരിക്കുന്നു' ; വ്യാജ അപകട വാര്ത്തയില് പ്രതികരിച്ച് കാജല് അഗര്വാള്
തനിക്കെതിരെ സോഷ്യല് മീഡിയയില് പ്രചരിക്കുന്ന വ്യാജ അപകട വാര്ത്തയില് പ്രതികരിച്ച് നടി കാജല് അഗര്വാള്. ഒരു റോഡ് അപകടത്തില് താന് മരിച്ചുവെന്ന റിപ്പോര്ട്ടുകള് പുറത്തുവന്നതിന് പിന്നാലെയാണ് നടിയുടെ പ്രതികരണം.
'ഞാന് ഒരു അപകടത്തില്പ്പെട്ടുവെന്നും ഇപ്പോള് ജീവിച്ചിരിപ്പില്ലെന്നും അവകാശപ്പെടുന്ന ചില അടിസ്ഥാനരഹിതമായ വാര്ത്തകള് ഞാന് കണ്ടു. സത്യം പറഞ്ഞാല്, അത് വളരെ രസകരമാണ്, കാരണം അത് അസത്യമാണ്. ദൈവകൃപയാല്, ഞാന് പൂര്ണ്ണമായും സുഖമായിരിക്കുന്നു, സുരക്ഷിതയാണ്, എന്ന് നിങ്ങള്ക്കെല്ലാവര്ക്കും ഉറപ്പ് നല്കാന് ഞാന് ആഗ്രഹിക്കുന്നു. അത്തരം തെറ്റായ വാര്ത്തകള് വിശ്വസിക്കുകയോ പ്രചരിപ്പിക്കുകയോ ചെയ്യരുതെന്ന് ഞാന് നിങ്ങളോട് അഭ്യര്ത്ഥിക്കുന്നു. പകരം നമുക്ക് പോസിറ്റീവിലും സത്യത്തിലും ശ്രദ്ധ കേന്ദ്രീകരിക്കാം'' , കാജല് ഇന്സ്റ്റഗ്രാം സ്റ്റോറിയില് കുറിച്ചു.
അതേസമയം വിഷ്ണു മഞ്ചു നായകനായി എത്തിയ ' കണ്ണപ്പ' ആണ് കാജല് അഗര്വാള് അഭിനയിച്ച് ഏറ്റവും ഒടുവില് റിലീസ് ചെയ്ത ചിത്രം. ' ദി ഇന്ത്യന് സ്റ്റോറി', ' ഇന്ത്യന് 3', ' രാമായണം' എന്നിവയാണ് നടിയുടെ വരാനിരിക്കുന്ന ചിത്രങ്ങള്.
LATEST NEWS
- അനിയന് പിറന്നാള് ആശംസകളുമായി അനുപമ പരമേശ്വരന്; കുട്ടിക്കാല ചിത്രങ്ങള് പങ്കുവെച്ച് താരം
- ആ ദിവസം ഞാനും ഭാര്യയും ഞെട്ടിപ്പോയി, പ്രേതത്തെക്കുറിച്ചുളള എന്റെ കാഴ്ചപ്പാടില് മാറ്റമുണ്ടായി: അക്ഷയ് കുമാര്
- ' കഴുത' ; അധിക്ഷേപ കമന്റിന്ചുട്ട മറുപടി നല്കി മീനാക്ഷി
- ഗംഭീര അഡ്വാൻസ് ബുക്കിങ്ങുമായി "ആട് 3"; ചിത്രത്തിന്റെ ആഗോള റിലീസ് മാർച്ച് 19ന്
- എല്പിജി പ്രതിസന്ധിയില് അക്ഷയ് കുമാറിന്റെ മുന്കരുതല്; ഭാര്യ വീട്ടിലേക്ക് രണ്ട് ഇന്ഡക്ഷന് അടുപ്പുകള് വാങ്ങിയെന്ന് താരം
