പീക്ക് സമയങ്ങളില് ഓണ്ലൈന് ടാക്സി നിരക്ക് 200 ശതമാനം വരെ കൂട്ടാം; കേന്ദ്രസര്ക്കാര് അനുമതി
ന്യൂഡല്ഹി: പീക്ക് അവറുകളില് നിരക്ക് വര്ധിപ്പിക്കുന്ന ഓണ്ലൈന് ടാക്സികളുടെ ഡൈനാമിക് പ്രൈസിങ്ങിന് കേന്ദ്രസര്ക്കാരിന്റെ അനുമതി. ഡിമാന്ഡ് അനുസരിച്ച് നിരക്ക് നിര്ണയിക്കുന്ന രീതിയാണ് ഡൈനാമിക് പ്രൈസിങ്.
പുതിയ ചട്ടം അനുസരിച്ച് ഡിമാന്ഡ് കുറവുള്ള സമയത്ത് അടിസ്ഥാന നിരക്കിന്റെ 50 ശതമാനമായി നിരക്ക് കുറയാം. എന്നാല് പീക്ക് സമയത്ത് അടിസ്ഥാന നിരക്കിന്റെ 200 ശതമാനം വരെ കൂട്ടാനാണ് കേന്ദ്രസര്ക്കാര് ഓണ്ലൈന് ടാക്സികള്ക്ക് അനുമതി നല്കിയിരിക്കുന്നത്. എന്നിരുന്നാലും, യാത്രാദൂരം മൂന്ന് കിലോമീറ്ററില് താഴെയാണെങ്കില് അധിക നിരക്ക് ഈടാക്കാന് പാടില്ലെന്നും കേന്ദ്രസര്ക്കാര് നിര്ദേശിച്ചു.
ഓല, ഊബര്, റാപ്പിഡോ തുടങ്ങിയ അഗ്രഗേറ്റര് പ്ലാറ്റ്ഫോമുകള് വഴി യാത്രക്കാര്ക്ക് മോട്ടോര്സൈക്കിള് ടാക്സി ഉപയോഗിക്കുന്നതിനും കേന്ദ്രം അനുമതി നല്കിയിട്ടുണ്ട്. പുതിയ വ്യവസ്ഥ അനുസരിച്ച്, ഒരു ഡ്രൈവര് സാധുവായ കാരണമില്ലാതെ ആപ്പില് ഒരു യാത്ര റദ്ദാക്കുകയാണെങ്കില് യാത്രാനിരക്കിന്റെ പത്തുശതമാനം പെനാല്റ്റിയായി ചുമത്താവുന്നതാണ്. എന്നാല് ഇത്തരത്തില് ഈടാക്കുന്ന പിഴ നൂറ് രൂപയില് കൂടാന് പാടില്ലെന്നും മാര്ഗനിര്ദേശത്തില് പറയുന്നു. ഈ പിഴ തുക ഡ്രൈവര്ക്കും അഗ്രഗേറ്റര് പ്ലാറ്റ്ഫോമിനും ഇടയില് തുല്യമായി പങ്കിടണമെന്നും കേന്ദ്രം നിര്ദേശിച്ചു. അതേപോലെ, ഒരു പ്രത്യേക കാരണവുമില്ലാതെ ബുക്കിങ് റദ്ദാക്കുന്ന യാത്രക്കാര്ക്കും ഇതേ റദ്ദാക്കല് പിഴ ബാധകമാണ്.
LATEST NEWS
- വിമാന ടിക്കറ്റ് നിരക്ക് ഇന്നു മുതല് ഉയരും, നിയന്ത്രണം കേന്ദ്രം പിന്വലിച്ചു
- ഇരുട്ടിവെളുത്തപ്പോള് വര്ക്കലയില് ബിജെപിയുടെ അപ്രതീക്ഷിത നീക്കം ; ഒരു ദശകത്തിന് ശേഷം സ്വന്തം സ്ഥാനാര്ത്ഥി
- വികസനത്തിനായി 365 ദിവസവും 24 മണിക്കൂറും പണിയെടുക്കുന്നയാള് ; പികെ കൃഷ്ണദാസിന്റെ പ്രചരണത്തില് വന് പങ്കാളിത്തം
- ബിജെപി മതം പറഞ്ഞാല് വിദ്വേഷപരാമര്ശം ; മറ്റുള്ളവര് പറയുമ്പോള് മതേതരത്വം ; ഗോപാലകൃഷ്ണന് പറഞ്ഞത് വിദ്വേഷമല്ല
- നേമത്ത് ഇനിയുണ്ടാകേണ്ടത് മാറ്റത്തിന്റെ കാറ്റ് ; രാജീവ് ചന്ദ്രശേഖറിന് പിന്തുണയുമായി ജെന്സീ പിള്ളേര്
