അവാമി ലീഗിനെ നിരോധിച്ച് ബംഗ്ലാദേശ്; ഷെയ്ഖ് ഹസീനയുടെ വേരറുക്കാന് ഇടക്കാല സര്ക്കാര്
ധാക്ക: ബംഗ്ലാദേശില് മുന് പ്രധാനമന്ത്രി ഷെയ്ഖ് ഹസീനയ്ക്ക് എതിരായ നടപടികള് കടുപ്പിച്ച് ഇടക്കാല സര്ക്കാര്. ഷെയ്ഖ് ഹസീനയുടെ പാര്ട്ടിയായ അവാമി ലീഗിനെ നിരോധിച്ചു. ബംഗ്ലാദേശ് ഭീകരവിരുദ്ധ നിയമ പ്രകാരമാണ് നടപടി.
ഷെയ്ഖ് ഹസീനയെ അധികാരത്തില് നിന്ന് പുറത്താക്കാന് കാരണമായ 2024 ജൂലൈയിലെ പ്രക്ഷോഭവുമായി ബന്ധപ്പെട്ടാണ് നടപടി. ഇതു സംബന്ധിച്ച നിയമ നടപടികള് തുടരുന്ന സാഹചര്യത്തില് പരാതിക്കാരുടെയും സാക്ഷികളുടെയും പ്രക്ഷോഭത്തില് പങ്കെടുത്തവരുടെയും അടക്കം സുരക്ഷ പരിഗണിച്ചാണ് തീരുമാനം എന്നും ഇടക്കാല സര്ക്കാര് പറയുന്നു. സൈബര് ഇടങ്ങളില് ഉള്പ്പെടെ അവാമി ലീഗിന്റെ പ്രവര്ത്തനങ്ങള് തടയുമെന്നും ബംഗ്ലാദേശ് സര്ക്കാരിന്റെ വക്താവ് അറിയിച്ചു. സര്ക്കാര് നടപടി നിയമ വിരുദ്ധമാണെന്നാണ് അവാമി ലീഗിന്റെ പ്രതികരണം. ബംഗ്ലാദേശിലെ അന്താരാഷ്ട്ര കുറ്റകൃത്യ ട്രൈബ്യൂണലില് (ഐസിടി) വിചാരണ പൂര്ത്തിയാകുന്നതുവരെ അവാമി ലീഗിന്റെ നിരോധനം നിലനില്ക്കും.
LATEST NEWS
- ഡീല് ആരോപണം യുഡിഎഫിന്റെയും എല്ഡിഎഫിന്റെ പേടി കൊണ്ട്; വോട്ടു ചെയ്തേക്കാമെന്ന് ജനവും കരുതും ; ബിജെപി ശക്തിപ്പെടും
- യു പ്രതിഭയ്ക്കെതിരായ സ്ത്രീവിരുദ്ധ പരാമർശം: അടിയന്തര നടപടിക്ക് കളക്ടർക്ക് തെരഞ്ഞെടുപ്പ് കമ്മീഷന്റെ നിര്ദേശം
- കോടതി പരസ്യം
- ബഹുമാനപ്പെട്ട കോട്ടയം ജില്ലാ കുടുംബ കോടതി ഏറ്റുമാനൂര് മുമ്പാകെ
- 'അധികാരക്കൊതിയില്ല, പ്രായമായവര് മാറി യുവാക്കള് വരട്ടെ' ; ചെങ്ങന്നൂരില് മത്സരിക്കാനില്ലെന്ന് പി.എസ്. ശ്രീധരന് പിള്ള
