തെലങ്കാനയിൽ കുഴിബോംബ് പൊട്ടി മൂന്ന് ഉദ്യോ​ഗസ്ഥര്‍ കൊല്ലപ്പെട്ടു ; പിന്നിൽ മാവോയിസ്റ്റുകളെന്ന് നക്സൽ വിരുദ്ധ സേന

photo; representative image

ന്യൂഡല്‍ഹി : തെലങ്കാനയിൽ മൂന്ന് നക്സൽ വിരുദ്ധ സേന ഉദ്യോഗസ്ഥർ കൊല്ലപ്പെട്ടതായി റിപ്പോർട്ട്. തെലങ്കാനയുടെ നക്സൽ വിരുദ്ധ സേനയായ ഗ്രേ ഹൗണ്ട്സിലെ മൂന്ന് ജൂനിയർ കമാന്റോ ഉദ്യോ​ഗസ്ഥരാണ് കൊല്ലപ്പെട്ടത്. മുളുഗു ജില്ലയിലെ പേരൂർ വനമേഖയിൽ വീരഭദ്രാവരം എന്ന സ്ഥലത്ത് ഇന്ന് രാവിലെ ആണ് സ്ഫോടനം നടന്നത്.

എല്ലാ ദിവസവും നടത്തിവരാറുള്ള പരിശോധനയ്ക്കിടെ കുഴിബോംബ് പൊട്ടിയാണ് ഇവർ മരിച്ചത് എന്നാണ് റിപ്പോർട്ട്. ആക്രമണത്തിന് പിന്നിൽ മാവോയിസ്റ്റുകളാണെന്നാണ് ​ഗ്രേ ഹൗണ്ട്സ് സേന ആരോപിക്കുന്നത്. ഗ്രേ ഹൗണ്ട്സ് സേന രൂപീകരിച്ചതിന് ശേഷം ഇതാദ്യമായാണ് ഇത്തരം ഒരു ആക്രമണം നടക്കുന്നത്.