കെ.പി. ശങ്കരദാസിന്റെ അസുഖം:മെഡിക്കല് ബോര്ഡ് പരിശോധന നടത്തണമെന്നു ഹൈക്കോടതി
കൊച്ചി: ശബരിമല സ്വര്ണക്കൊള്ളക്കേസില് റിമാന്ഡിലായ മുന് ദേവസ്വം ബോര്ഡ് അംഗം കെ.പി. ശങ്കരദാസിനെതിരേ ഹൈക്കോടതി. ശങ്കരദാസിന്റെ അസുഖം സംബന്ധിച്ച് മെഡിക്കല് ബോര്ഡ് രൂപവത്കരിച്ച് പരിശോധന നടത്തണമെന്നു ഹൈക്കോടതി നിര്ദേശിച്ചു. ശങ്കരദാസിനെ ജയിലില് പാര്പ്പിച്ചു ചികിത്സ തുടരാന് ആകുമോയെന്നും പരിശോധിക്കണമെന്നും റിപ്പോര്ട്ട് മുദ്രവച്ച കവറില് സമര്പ്പിക്കണമെന്നും നിര്ദ്ദേശിച്ചിട്ടുണ്ട്. തിരുവനന്തപുരം മെഡിക്കല് കോളജ് ആശുപത്രിയില് ചികിത്സയിലാണ് ശങ്കരദാസ്.
സ്വര്ണക്കൊള്ളക്കേസിലെ 11-ാം പ്രതിയായ ശങ്കരദാസിനെ കഴിഞ്ഞ ദിവസമാണ് കൊല്ലം വിജിലന്സ് കോടതി ജഡ്ജി സ്വകാര്യ ആശുപത്രിയിലെത്തി റിമാന്ഡ് ചെയ്തത്. ആശുപത്രിയില് കഴിഞ്ഞിരുന്ന ശങ്കരദാസിന്റെ അറസ്റ്റ് വൈകിയതിനെ ശക്തമായി ഹൈക്കോടതി വിമര്ശിച്ചിരുന്നു. മകന് എസ്.പിയായതു കൊണ്ടാണ്, ശങ്കരദാസ് ആശുപത്രിയില് കഴിയുന്നത് എന്നായിരുന്നു ഹൈക്കോടതിയുടെ വിമര്ശനം. ഇതിനു പിന്നാലെയായിരുന്നു ശങ്കരദാസിനെ എസ്.ഐ.ടി. അറസ്റ്റ് രേഖപ്പെടുത്തിയത്. പിന്നീടു കൊല്ലം വിജിലന്സ് കോടതി ജഡ്ജി ആശുപത്രിയിലെത്തി റിമാന്ഡ് രേഖപ്പെടുത്തുകയും ചെയ്തു. പിന്നാലെ ജയില് ഉദ്യോഗസ്ഥരുടെ സാന്നിധ്യത്തില് ശങ്കരദാസിനെ തിരുവനന്തപുരത്തെ സ്വകാര്യ ആശുപത്രിയില്നിന്നു മെഡിക്കല് കോളേജ് ആശുപത്രിയിലേക്ക് മാറ്റുകയായിരുന്നു.
LATEST NEWS
- പ്രവാസി സഹോദരങ്ങള്ക്ക് ഈദ് ആശംസകളയുമായി മുഖ്യമന്ത്രി പിണറായി വിജയന്
- മറ്റൊരു പാര്ട്ടിയിലേക്കും ഇല്ല, കോണ്ഗ്രസില് തുടരും ; ഇനി ലക്ഷ്യം പിണറായിയെ താഴെയിറക്കലെന്ന് സുധാകരന്
- സീറ്റ് കിട്ടാത്തവർ പാർട്ടി വിടരുത്, പോയാൽ അനുഭവിക്കേണ്ടി വരും: പാർട്ടി വിടുന്നവർക്ക് മുന്നറിയിപ്പുമായി രമേശ് ചെന്നിത്തല
- ‘ചിറയിൻകീഴിൽ രമ്യാഹരിദാസിന് സീറ്റ് കൊടുത്തു’; മുന് യുഡിഎഫ് സ്ഥാനാര്ത്ഥി ബി എസ് അനൂപ് ബിജെപിയില്
- അനൂപ് ആന്റണിയുടെ പോസ്റ്ററുകള് വ്യാപകമായി നശിപ്പിച്ച നിലയില് ; ഈ പണി ഒട്ടുംശരിയല്ലെന്ന് പ്രതികരിച്ച് സ്ഥാനാര്ത്ഥി
