അച്ചൂര്-മൈലുംപാത്തി റോഡ് നവീകരണം പൂര്ത്തിയാകുന്നു
പൊഴുതന: അച്ചൂര് മൈലുംപാത്തി റോഡ് നവീകരണം പൂര്ത്തിയാകുന്നു. വൈത്തിരി-തരുവണ റോഡില് മൈലുംപാത്തി മുതല് അച്ചൂര് നോര്ത്ത് വരെയുള്ള ഭാഗത്തെ നവീകരണ പ്രവൃത്തിയാണ് അവസാന ഘട്ടത്തിലെത്തിയത്. ടാറിങ് പൂര്ത്തിയായ റോഡില് മാര്ക്കിങ്, കോണ്ക്രീറ്റ് പ്രവൃത്തികളും ഉടന് തന്നെ നടക്കും. കോഴിക്കോട് ഭാഗത്ത് നിന്ന് വരുന്ന യാത്രക്കാര്ക്ക് ജില്ലയിലെ പ്രധാന ടൂറിസം കേന്ദ്രങ്ങളില് എത്താന് ഉപയോഗിക്കുന്ന പ്രധാന പാത ആയ റോഡ് തകര്ന്നതിനാല് വര്ഷങ്ങളായി യാത്ര ഏറെ ദുരിതമായിരുന്നു. വൈത്തിരി മുതല് മൈലും പാത്തി വരെയും അച്ചൂര് നോര്ത്ത് മുതല് ശേഷിക്കുന്ന ഭാഗവും നവീകരണം നടത്തിയിരുന്നെങ്കിലും 1.5 കിലോമീറ്റര് വരുന്ന ഈ ഭാഗത്ത് പ്രവൃത്തി മുടങ്ങിയിരുന്നു. പൂര്ണമായും തകര്ന്ന നിലയിലായ റോഡിലെ യാത്ര വന് ദുരിതമായതോടെ പ്രതിഷേധം കനക്കുകയും നിലവിലെ കരാറുകാരനെ മാറ്റുകയും ചെയ്തു. അതോടെ പ്രവൃത്തിയും അനന്തമായി നീണ്ടു പോയി. തുടര്ന്ന് റീടെന്ഡര് നടത്തിയ പ്രവൃത്തിയാണ് ഇപ്പോള് പൂര്ത്തിയാകുന്നത്
LATEST NEWS
TRENDING NOW
-
സ്നേഹത്തള്ളല് യാത്ര
-
തൃശൂരിന് പൂരാവേശം; തത്തകൃതി വോട്ട്മേളം
-
ഉറപ്പുപാലിച്ച് മമ്മൂട്ടി, കൃത്രിമക്കാലില് നടന്ന് സന്ധ്യ; 'ഇനി വീടിന്റെയും സ്ഥലത്തിന്റെയും കാര്യമല്ലേ... അതും നടക്കും...ഉറപ്പ്...' മമ്മൂട്ടി വാക്ക്, ആശ്വാസത്തിന്റെ തെളിച്ചം
