എനിക്കും മോനും നല്കിയ വാക്ക് നിങ്ങള് പാലിക്കുന്നതിന്, സ്നേഹിക്കുന്നതിന് എല്ലാം നന്ദി; ഭര്ത്താവിന് പിറന്നാള് ആശംസകളുമായി മീര വാസുദേവന്
തന്മാത്ര എന്ന ചിത്രത്തിലൂടെ മലയാളികള്ക്ക് പ്രിയങ്കരിയായി മാറിയ മീര വാസുദേവന്, മലയാളികളുടെ വീട്ടിലെ ഒരംഗമായി മാറിയത് കുടുംബവിളക്ക് എന്ന സീരിയലിലൂടെയാണ്. വര്ഷങ്ങളോളം മീര കുടുംബവിളക്കിലെ സുമിത്രയായി ജീവിച്ചു. അതിലൂടെ പ്രേക്ഷകരുടെ മനസ്സില് മാത്രമല്ല, മറ്റൊരാളുടെ മനസ്സിലും മീര ഇടം നേടിയിരുന്നു, സീരിയലിന്റെ ക്യാമറമാന് വിപിന് പുതിയങ്കത്തിന്റെ മനസ്സില്.
അതെ കുടുംബവിളക്കിന്റെ ഉള്പ്പടെ നിരവദി സീരിയലുകളുടെ ക്യാമറമാന് ആയ വിപിനാണ് മീരയുടെ ഭര്ത്താവ്. 2024 ല് ആണ് മീര വാസുദേവന്റെയും വിപിന്റെയും വിവാഹം കഴിഞ്ഞത്. മീരയെക്കാള് പ്രായം കുറഞ്ഞ ആളാണെങ്കിലും, അവരുടെ പ്രണയവും പക്വതയും അതിലും മുകളിലായിരുന്നു. ഭര്ത്താവിനൊപ്പമുള്ള മനോഹര നിമിഷത്തെ കുറിച്ചും അദ്ദേഹത്തിന്റെ പിന്തുണയെ കുറിച്ചും മീര വാസുദേവന് പലപ്പോഴും സോഷ്യല് മീഡിയയില് വാചാലയായി. മീരയുടെ സ്നേഹത്തെ കുറിച്ച് വിപിനും സോഷ്യല് മീഡിയയില് കുറിച്ചു.
ഇപ്പോഴിതാ, വിപിന് മനോഹരമായ ഒരു ബര്ത്ത് ഡേ പോസ്റ്റുമായി എത്തിയിരിക്കുകയാണ് മീര വാസുദേവന്. തനിക്കും മകനും നല്കിയ വാക്ക് പാലിക്കുന്നതിന് ഭര്ത്താവിന് മീര അഭിനന്ദനമറിയിക്കുന്നു.
'എന്റെ ജീവിതദത്തിന്റെ പ്രണയമായ വിപിന് പുതിയാങ്കത്തിന് ജന്മദിനാശംസകള്. ജീവിതത്തിലുടനീളം നിങ്ങളുടെ കൃപയെ ഞാന് അഭിനന്ദിക്കുന്നു. നിങ്ങളുടെ ജോലിയിലൂടെ നിങ്ങള് നയിക്കുന്ന ശാന്തമായ ആത്മവിശ്വാസത്തെ ഞാന് സ്നേഹിക്കുന്നു, എന്നോടും നമ്മുടെ മകനോടും സ്നേഹവും ജീവിതവും നല്കുമെന്ന നിങ്ങളുടെ വാഗ്ദാനം പാലിക്കുന്നതിനെ ഞാന് അഭിനന്ദിക്കുന്നു. എന്റെ ജീവിതകാലം മുഴുവന് നിങ്ങളെ എനിക്ക് മാത്രമായി ലഭിച്ചതില് വളരെ നന്ദി! എന്ന് നിങ്ങളുടെ ഭാര്യ' എന്ന് പറഞ്ഞാണ് മീരയുടെ ഇന്സ്റ്റഗ്രാം പോസ്റ്റ് അവസാനക്കുന്നത്.
പ്രമുഖ ഛായാഗ്രഹകന് അശോക് കുമാറിന്റെ മകന് വിശാല് അഗര്വാള് ആയിരുന്നു മീര വാസുദേവന്റെ ആദ്യ ഭര്ത്താവ്. 2005 ല് വിവാഹിതരാവുകയും 2010 ല് ആ ബന്ധം വേര്പിരിയുകയും ചെയ്തു. 2012 ല് നടനും മോഡലുമായ ജോണ് കൊക്കനുമായുള്ള വിവാഹം നടന്നു. ആ ബന്ധത്തിലാണ് മീരയ്ക്ക് മകന് പിറന്നത്. 2016 ല് ജോണ് കൊക്കനുമായി വേര്പിരിഞ്ഞതിന് ശേഷം മീര മകനൊപ്പം സിംഗിള് ലൈഫ് ജീവിക്കുകയായിരുന്നു. ഇപ്പോള് മകനും മീരയ്ക്കും കൂട്ടാണ് വിപിന്.
YOU MAY BE INTERESTED
LATEST NEWS
- വട കഴിച്ചിട്ടുണ്ടോയെന്ന മര്യാദയില്ലാത്ത ചോദ്യം, ആസ്വദിച്ചുളള മറുപടി; മഞ്ജു പത്രോസ് ഉന്നം വെച്ചത് രേണു സുധിയെ ?
- ' ചേര്ത്തു നിര്ത്തുന്ന, മനസ്സിലാക്കുന്ന വളരെ കുറച്ച് പേര് മതി ഒരു മനുഷ്യന്റെ ജീവിത്തതില്' ; പിറന്നാള് ദിനത്തില് കുറിപ്പുമായി ലക്ഷ്മി പ്രിയ
- പാവപ്പെട്ട വീട്ടിലെ കുട്ടിയായതിനാലാണോ ഈ നിശബ്ദത? ഒരു മനുഷ്യന്റെ ജീവന് വില ഇത്രയാണോ?ആള്ക്കൂട്ട മര്ദ്ദനത്തില് 18 വയസ്സുകാരന് കൊല്ലപ്പെട്ട സംഭവത്തില് അനുമോള്
- പേപ്പട്ടികള് കുരയ്ക്കും കെട്ടിയിട്ടിടത്തു നിന്ന് കുരയ്ക്കും ; ഉമ്മയെ അടിച്ചു പുറത്താക്കി എന്ന അഖില് മാരാരുടെ ആരോപണത്തിനെതിരെ ഷിയാസ് കരീം
- ആരോ ലൈക്കിനും ഷെയറിനും വേണ്ടി പടച്ചു വിടുന്നത്; ബിജെപിയില് ചേരുന്നു എന്ന അഭ്യൂഹങ്ങളോട് പ്രതികരിച്ച് ബീന ആന്റണി
